सुनौलो साकोसका सदस्यहरुलाई स्वास्थ्य तथा औषधि उपचारमा छुट सहित थप सुविधा
सुनौलो बचत तथा ऋण सहकारी संस्थाका सदस्यहरुलाई स्वास्थ्य उपचार सेवामा थप सुविधा हुने भएको छ । भाद्र ११ गते सुनौलो साकोस र मनमोहन मेमोरियल मेडिकल कलेज तथा शिक्षण अस्पताल स्वयम्भुविच एक सहमती पत्रमा हस्ताक्षर भई उक्त सुविधाहरु प्राप्त हुने भएको हो । यस अघि पनि सदस्यहरुले उक्त अस्पतालबाट सामान्य सुविधा प्राप्त गर्दै आईरहेकोमा पछिल्लो समय उक्त अस्पतालको व्यवस्थापन मेडी प्राईड हेल्थ केयर प्रा.लि.द्वारा सञ्चालन भए पछि सदस्यहरुलाई थप सुविधा र सहुलियत प्रदान गर्ने गरी अस्पतालका कार्यकारी निर्देशक डा.एन. शर्मा र संस्थाका अध्यक्ष सादुराम लम्साल(सागर)बीच नयाँ सहमती पत्रमा हस्ताक्षर भएको हो । स्वास्थ्य तथा औषधि उपचारमा अब सुनौलो साकोसका सदस्यहरुले निम्न छुट र सहुलियतहरु पाउने छन् ।
१. सामान्य शैया, ल्याव परीक्षण, एक्स–रे एवं भिडियो एक्सरे, ईसिजिमा १५ प्रतिशत,
२. क्याबिन, आईसियु तथा आईसियु भेन्टिलेटर, अपरेशन, ईको, मेमोग्राम, ईन्डोस्कोपी र फिजियोथेरापी मा १० प्रतिशत
३ वर्षको एक पटक Whole Body Check Up (General Health Package /Special Health Package) मा १५ प्रतिशत,
४. आर्थिक रुपले विपन्न तथा असाहय सदस्यहरुलाई उल्लेखित सेवाहरुमा २० प्रतिशत
५ ८० बर्षदेखि माथि उमेरका जेष्ठ नागरिक सदस्यहरुलाई उल्लेखित सेवाहरुमा ५० प्रतिशत
६. ७० बर्षदेखि ७९ वर्षसम्म उमेरका जेष्ठ नागरिक सदस्यहरुलाई उल्लेखित सेवाहरुमा २५ प्रतिशत
